Հալէպի Նահանգային Խորհուրդի ընտրութիւններուն Բերիոյ Հայոց Թեմի թեկնածուներն են` Մարիա Գաբրիէլեան եւ Նորա Գրաճեան

Տեղական Ինքնակառավարման Մարմինի Հալէպի Նահանգային Խորհուրդի Բերիոյ Հայոց Թեմի Ազգային Առաջնորդարանի երկու թեկնածուներն են` մեթր Մարիա Գաբրիէլեան եւ մեթր Նորա Գրաճեան:

Երեքշաթբի, 11 Սեպտեմբեր 2018-ի առաւօտեան, թեկնածուները հանդիպում ունեցան Բերիոյ Հայոց Թեմի Առաջնորդ Գերշ. Տէր Շահան Սրբազան Արք.Սարգիսեանի հետ: Սրբազան Հայրը փոխանցեց իր հայրական օրհնութիւնը, քաջալերեց երկու թեկնածուները եւ յանուն նահանգի բարելաւման անոնց ստանձնելիք առաքելութեան յաջողութիւն մաղթեց:

ՄԱՐԻԱ ԳԱԲՐԻԷԼԵԱՆ

Աւարտած է Հալէպի Պետական Համալսարանի Իրաւաբանութեան ճիւղը, Դամասկոսի Պետական Համալսարանի Լրագրութեան ճիւղը, Համազգայինի Հայագիտական քառամեայ Հիմնարկը եւ Հալէպի Պետական Համալսարանի Բժշկական Ուսումնարանի Տարրալուծարանի ճիւղը:

Անդամ է Հալէպի Փաստաբանական պալատին:

Լրագրական եւ կրթական բնագաւառներէն ներս տարած է վաստակաշատ գործունէութիւն:

2012-էն ի վեր Սուրիահայութեան Շտապ Օգնութեան եւ Վերականգնումի Մարմինին բանբերն է:

ՆՈՐԱ ԳՐԱՃԵԱՆ-ՆԱՐԿԻԶԵԱՆ

Աւարտած է Հալէպի Պետական Համալսարանի Իրաւաբանութեան ճիւղը:

Անդամ է Հալէպի Փաստաբանական պալատին:՚

Անդամ է Բերիոյ Հայոց Թեմի Ազգ. Վարչութեան:

Անդամ է Սուրիահայութեան Շտապ Օգնութեան եւ Վերականգնումի Հալէպի Գործադիր Մարմինին:

 

Leave a Comment

You must be logged in to post a comment.