Գանատայի վարչապետ Ճասթին Թրուտոյի շնորհաւորական ուղերձը «Հորիզոն»ի 40-ամեակին առթիւ

Սիրելի՛ բարեկամներ.

Ուրախութեամբ կը յայտնեմ ջերմ շնորհաւորանքս «Հորիզոն» շաբաթաթերթի ընթերցողներուն՝ 40-ամեակին առթիւ: Այս մէկը բացառիկ առիթ է, որ յետադարձ ակնարկ մը նետենք շաբաթաթերթին պատմութեան եւ ընդգծենք անոր իրագործումները: 40 տարի շարունակ «Հորիզոն»ը հաւատարմօրէն զեկուցած է Գանատայի հայ համայնքին ընկերային, մշակութային եւ քաղաքական կեանքի իրադարձութիւններուն մասին: Ես վստահ եմ, որ ան պիտի շարունակէ հարստացնել հայ համայնքի անդամներուն առօրեան՝ ձայն տալով անոնց յոյսերուն եւ երազներուն, ինչպէս նաեւ մասնակցելով մեր հասարակութեան վերաբերող բանավէճերուն: «Հորիզոն»ի առնչուած իւրաքանչիւր ոք իր համայնքին մօտ հպարտութիւն պէտք է զգայ անոր նուիրումին համար:

Գանատայի Կառավարութեան անունով կը շնորհաւորեմ ձեր գալիք բոլոր նուաճումները:

Յարգանօք՝

Ճասթին Թրուտօ

Գանատայի վարչապետ

Leave a Comment

You must be logged in to post a comment.