Սումկայիթի ջարդերը դատապարտող բողոքի հաւաք ՀՅԴ ԳԵՄ-ի կազմակերպութեամբ
506
0
34 տարի առաջ Ատրպէյճանի Սումկայիթի քաղաքին մէջ հայ քաղաքացիներու դէմ գործադրուած ջարդերուն եւ վայրագութիւններուն յիշատակման առիթով Փետրուար 26-ին բողոքի իրենց ձայնը բարձրացուցին Վանգուվըրի հայ համայնքի անդամները:
Բողոքի հաւաքը կազմակերպուած էր ՀՅԴ Գանատայի Երիտասարդական Միութեան «Արշաւիր Շիրակեան» մասնաճիւղին կողմէ։ Բողոքի հաւաքը կայացաւ Գանատայի Հանրային Ռատիոկայանի (CBC-Canadian Broadcasting Corporation) Վանգուվըրի կեդրոնատեղիին դիմաց, իբրեւ բողոք, 34 տարի առաջ Սումկայիթի մէջ կատարուած սպանդին: Ցուցարարները ատրպէյճանական ռազմական յանցագործութիւնները եւ Սումկայիթի ջարդերը դատապարտող պաստառներ պարզեցին։