ՀՅԴ-ն ընտրութիւններում ՀՀ երկրորդ նախագահ Ռ. Քոչարեանի և «Վերածնուող Հայաստան» կուսակցութեան հետ հանդէս կը գայ դաշինքով
ՀՅԴ ՀԱՅԱՍՏԱՆԻ ԳԵՐԱԳՈՅՆ ՄԱՐՄՆԻ ՅԱՅՏԱՐԱՐՈւԹԻՒՆԸ
Մեր ինքնութեան և պետականութեան պահպանումը, երկրի անվտանգութեան ապահովումը պահանջում են ազգային ուժերի և գործիչների համախմբում ու միասնական պայքար՝ ուղղուած գործող իշխանութեանը հեռացնելուն՝ կանխելու համար ընտրութիւնների անուան տակ նրանց հնարաւոր վերարտադրութիւնը։
ՀՅԴ Հայաստանի Գերագոյն մարմինը, ՀՅԴ Հայաստանի կազմակերպութեան 24-րդ Գերագոյն ժողովի կողմից տրուած լիազօրութիւնների շրջանակում, տարբեր քաղաքական ուժերի և գործիչների հետ ունեցած քննարկումների արդիւնքում անհրաժեշտ է համարել առաջիկայ խորհրդարանական հնարաւոր ընտրութիւններին մասնակցել միասնական ճակատով։
Հիմք ընդունելով ներկայ քաղաքական իրավիճակին տրուած գնահատականները, ճգնաժամը յաղթահարելու և երկիրը զարգացման հուն տեղափոխելու փորձը, ինչպէս նաև Հայաստանի ապագայի տեսլականի ընդհանրութիւնները՝ ՀՅԴ Հայաստանի Գերագոյն մարմինը որոշել է
ՀՀ երկրորդ նախագահ Ռոբերտ Քոչարեանի և «Վերածնուող Հայաստան» կուսակցութեան հետ հանդէս գալ դաշինքով։
Դաշինքը պատրաստակամ է ստանձնել ամբողջական պատասխանատուութիւն՝ համազգային միասնականութեամբ և համատեղ ջանքերով ձևաւորել նոր որակի իշխանութիւն, լուծել երկրի առջև ծառացած լրջագոյն մարտահրաւէրները, կասեցնել պետականութեան փլուզումը, կերտել Հայաստանի երաշխաւորուած ապագան։
ՀՅԴ Հայաստանի Գերագոյն մարմին
06․05․2021 թ․