ՀՅԴ-ի ներկայացուցիչները Հայաստանի մօտ Ռուսաստանի դեսպանին հետ քննարկեցին շարք մը հարցեր
ՀՅԴ Բիւրոյի քաղաքական ներկայացուցիչ, ՀՀ ԱԺ ՀՅԴ խմբակցութեան ղեկավար Արմէն Ռուստամեանը և ՀՅԴ Հայաստանի Գերագոյն Մարմնի ներկայացուցիչ Արսէն Համբարձումեանը օգոստոսի 13-ին Ռուսաստանի դեսպանատան մէջ հանդիպած են Հայաստանի մօտ Ռուսաստանի դեսպան Սերգէյ Կոպիրկինի հետ: Հանդիպման ընթացքին կողմերը քննարկած են հայ-ռուսական ռազմավարական յարաբերութիւններուն առնչուող հարցեր:
Անդրադարձ կատարուած է Արցախի հիմնահարցի խաղաղ կարգաւորման ուղղութեամբ շարունակական ջանքերու գործադրման և իրավիճակի լարման անթոյլատրելիութեան հարցերուն:
Յատուկ անդրադարձ կատարուած է նաեւ Հայաստանի ներքաղաքական զարգացումներով պայմանաւորուած նոր իրողութիւններուն, երկու ռազմավարական գործընկեր երկիրներու միջև բոլոր մակարդակներու վրայ փոխըմբռնման և վստահութեան ամրապնդմանը ուղղուած գործնական քայլերու ձեռնարկմանը։