Ժընեւի մէջ, 21 յունուարին, ԵՈՒՆԵՍՔՕ-ի կրթութեան միջազգային բիւրոյի խորհուրդին որոշումով, Հայաստան ընտրուեցաւ Խորհուրդի ղեկավար կոմիտէի նախագահ` 2020-2021 թուականներուն համար:
Լուրը հաղորդեց Հայաստանի կրթութեան, գիտութեան, մշակոյթի եւ մարմնակրթութեան նախարարութեան հասարակութեան հետ կապերու եւ տեղեկատուութեան վարչութիւնը` յիշեցնելով, որ 21 նոյեմբեր 2019-ին Փարիզի մէջ ԵՈՒՆԵՍՔՕ-ի Ընդհանուր ժողովի 40-րդ նստաշրջանին Հայաստան ընտրուեցաւ ԵՈՒՆԵՍՔՕ-ի կրթութեան միջազգային բիւրոյի խորհուրդի (2019-2023 ժամանակահատուածի համար) եւ Իրաւական կոմիտէի անդամ (41-րդ նստաշրջանի համար):