Երկրաշարժին Հետեւանքով Ալեքսանտրէթի Մէջ Հայ Ընտանիքի 3 Անդամներ Զոհուած Են
620
0
Երկրաշարժին հետեւանքով Ալեքսանտրէթի մէջ հայ ընտանիքի 3 անդամներ զոհուած են: Այս մասին կը հաղորդէ «Գանձասար» շաբաթաթերթը:
«Երէկ երեկոյեան, Հալէպի Հայ մարմնակրթական միութեան (ՀՄՄ-ի) վարչութիւնը խոր կսկիծով գուժեց մահը երկուշաբթի, 6 փետրուար 2023-ին աղէտալի երկրաշարժին հետեւանքով Ալեքսանտրէթի (Իսկենտերուն-Թուրքիա) մէջ զոհուած Մեսրոպեան ընտանիքի անդամներուն` Հալէպի ՀՄՄ-ի տիկնանց վարչութեան նախկին ատենապետուհի Դշխուն Մեսրոպեանի եւ իր երկու զաւակներուն` Արմիկ եւ Մեսրոպ Մեսրոպեաններուն, որոնք եղած են ՀՄՄ-ի սկաուտներ, իսկ Արմիկը` նաեւ Նոր սերունդ մշակութային միութեան պարախումբի անդամ», հաղորդեց «Գանձասար»-ը: