Գանատայի Հայ Դատի յամձնախումբը Արցախի իրավիճակի հարցով հանդիպում ունեցաւ Խորհրդարանի անդամներ Թերի Պիչի եւ Ռօպ Օլիֆանդի հետ

Հոկտեմբեր 6-ին, Գանատայի շրջանային Հայ Դատի յամձնախումբի ներկայացուցիչները՝ Ընկ. Շահէն Միրաքեանն ու Ընկ. ժագ Տէր Յակոբեանը, ընկերակցութեամբ Հայ Դատի Արեւմտեան շրջանի ներկայացուցիչ Թիթառ Քէօշկերեանի, առցանց հանդիպում մը ունեցան Գանատայի խորհրդարանի անդամ Թերի Պիչի եւ Ռօպ Օլիֆանդի (Գանատայի Արտաքին Գործոց նախարար Ֆրանսուա Ֆիլիփ Շամփայնի խորհրդարանական քարտուղար) հետ, որուն ընթացքին քննարկեցին Արցախի Հանրապետութեան հակամարտութեան ու ռազմական գործողութիւններուն սրումին մանրամասներն ու Ատրպէյճանի  յարձակողապաշտ վարքագիծն ու բռնութիւնները: Հայ Դատի յանձնախումբի ներկայացուցիչները շնորհակալութիւն յայտնեցին Ռօպ Օլիֆանդին ու Գանատայի Արտգործ նախարարութեան` Թուրքիոյ նկատմամբ ռազմական սարքաւորումներու վաճառքի կասեցման համար և Արցախի հիմնախնդիրը ոչ միայն հայկական հարց նկատելու, այլեւ՝ միջազգային մարդու հիմնարար իրաւունքներու եւ օրէնքներու խախտում: