Անձամբ պատասխանատուութիւն էք կրում Բերձորի, Աղաւնոյի, Սուսի յանձնման համար

ՀՀ գլխաւոր դատախազ Արթուր Դաւթեանին, ԱԱԾ տնօրէն Արմէն Աբազեանին, ոստիկանապետ Վահէ Ղազարեանին, քննչական ծառայութեան պետ Արգիշտի Քիարամեանին, հակակոռուպցիոն կոմիտէի նախագահ Սասուն Խաչատրեանին:

Դուք անձամբ պատասխանատուութիւն էք կրում Բերձորի, Աղաւնոյի, Սուսի և հայկական այլ բնակավայրերի ու տարածքների յանձնման համար:

Դուք եղել և շարունակում էք մնալ Նիկոլի իշխանութեան միակ յենարանն ու պահապանը: Դուք այլևս չէք կարող ասել «ծառայում եմ Հայաստանի Հանրապետութեանը». դուք ծառայում էք այս հակահայ իշխանութեանը և երկրում բռնապետութիւն հաստատելու գործին: Հետևաբար անձամբ պատասխանատուութիւն էք կրում այս կորուստների համար:

Բայց ասեմ` դեռ ուշ չէ: Խելքի եկէք: Ձեզ մի դասէք էդմոնմարուքեանների, ալենսիմոնեանների շարքին: Դուք պատասխանատուութիւն էք կրելու սերունդների առջև:

Սիրելի հայրենակիցներ,

վերջին այս իրադարձութիւնների հետ կապուած յուսահատութիւնը, հիասթափութիւնն ու անզօրութեան զգացողութիւնը հասկանալի է: Բայց այս իրողութեան հետ չի կարելի համակերպուել: Պէտք է շարունակենք մեր պայքարը hանուն Հայաստանի, յանուն Արցախի, յանուն մեր սերունդների:

Իշխան Սաղաթելեան
ՀՅԴ Հայաստանի ԳՄ ներկայացուցիչ

 

Leave a Comment

You must be logged in to post a comment.