Հայոց ցեղասպանութեան մասին գիրքէն օրինակ մը պիտի նուիրուի Էրտողանին
«Ցեղասպանութեան լուսաբանումը համաշխարհային մամուլի էջերէն» գրքի երեք օրինակ պիտի ուղարկուի Թուրքիոյ ղեկավարութեան: Այս մասին հոկտեմբեր 17-ին Երեւանի մէջ կայացած գրքի շնորհանդէսի ժամանակ յայտարարեց գրքի հեղինակ եւ Ցեղասպանութեան թանգարան-ինստիտուտի տնօրէն Հայկ Դեմոյեանը, որ մակագրեց գրքերը Թուրիոյ նախագահ Էրտողանի, վարչապետ Տաւութողլուի եւ արտաքին գործոց նախարար Չաֆուշողլուի անուններով:
Աւելի քան 270 մեծադիր էջ ունեցող ժողովածուին մէջ տեղ գտած են աշխարհի մօտ 300 թերթերու, ամսագրերու եւ պարբերականներու էջերուն մէջ Հայոց ցեղասպանութեան մասին հրապարակուած նիւթեր եւ լուսանկարներ,:
«Այս գիրքը երկարատև հաւաքական աշխատանքի արդիւնքն է, և թանգարանն ունի բոլոր ներկայացուած թերթերի ու ամսագրերի բնօրինակները՝ չնչին բացառութեամբ: Սա 5-6 տարուայ ընթացքում աճուրդներին ուշադիր հետևած և գնուած, անհատների նուիրատուութիւնների արդիւնքում ձևաւորուած հաւաքածոյ է: Այս ցուցադրութիւնն ամերիկեան տասը քաղաքում ներկայացնելու պայմանաւորուածութիւն կայ»,-ասաց Հայկ Դեմոյեանը:
Պատկերազարդ այս գրքին մէջ ամփոփուած են եզակի նիւթեր՝ քաղուած 19-րդ եւ 20-րդ դարու արտասահմանեան մամուլէն: Հավաքածոն համոզիչ ձեւով կը ներկայացնէ անգլիական, ֆրանսական, ամերիկեան, իտալական, ռուսական, աւստրիական, աւստրալիական, չեխական, գերմանական և նորվեկիական մամուլի նիւթերը Հայոց ցեղասպանութեան մասին: