MIG-ը 5-րդ սերունդի ռազմօդանաւ պիտի կառուցէ


Ռուսական ՄԻԿ ընկերութիւնը, պատրաստ է կառուցելու 5րդ սերունդի արհեստագիտութեամբ օժտուած ռազմական նոր սաւառնակ մը: Այս ծրագրի իրականացման համար հաւանական է ընտրել ՄԻԿ 35ի հիմամբ ծրագիր, ուր պիտի հաստատուի ելեկտրոնային սարքաւորումներու եւ զէնքերու լրիւ նոր համակարգ մը: 

ՄԻԿ-ի ընդհանուր տնօրէն Սերկէյ Քորոթքով յայտնեց թէ աշխատանքային նախագիծը արդէն սկսած է եւ փորձագէտները բաւական յառաջացացուցած են իրենց ծրագիրը:

Ռուսական ՄԻԿ ռազմօդանաւի նախագիծի համահեղիննակներն են Արտեմ Միկոյեան եւ Միխայիլ Կիւրէվիչ։ Օդանաւի առաջին նախատիպը թռիչք առած է 1940-ին։ Երկրորդ Աշխարհամարտի ընթացքին ՄԻԿ-1-ը եւ ՄԻԿ-3-ը որոշիչ դեր կատարած են Խորհրդային բանակին ապահովելով օդային պաշտպանութիւն։


Leave a Comment

You must be logged in to post a comment.