ՀՅԴ ԱԺ խմբակցութեան պատգամաւոր Արծուիկ Մինասեան Կուտակային կենսաթոշակային պարտադիր համակարգի մասին պիտի զեկուցէ Թորոնթոյի հայութեան
«Զօրակցի՛նք Հայրենի Ժողովուրդին» նշանաբանով, ՀՅԴ Գանատայի Կեդրոնական Կոմիտէի «Սփիւռք – Հայաստան Կապ» յանձնախումբը կազմակերպած է Skype զրոյց մը՝ Հայաստանի Հանրապետութեան Ազգային Ժողովի անդամ, ՀՅԴ ԱԺ խմբակցութեան պատգամաւոր Արծուիկ Մինասեանի հետ։ «Կուտակային կենսաթոշակային պարտադիր համակարգը՝ հակա-Սահմանադրական նախագիծ» խորագրով զրոյցը տեղի պիտի ունենայ Կիրակի Մարտ 16, 2014-ին, կէսօրէ ետք ժամը 2:00ին, Թորոնթոյի Հայ Կեդրոնէն ներս, 45 Hallcrown Place, Toronto։ Մուտքը Ազատ է։
Մինասեան Արծուիկ Գարեգինի
Ծնած է 1972-ին Թալինի շրջանի Ոսկեթաս գիւղին մէջ։
Աւարտած է Երեւանի պետական համալսարանի տնտեսագիտութեան բաժանմունքը` ստանալով տնտեսագէտ-մաթեմատիկոսի որակաւորում`:
1997-1998 յատուկ ծրագրերով ուսումը շարունակած է Մոսկուայի, Ուաշինկթընի եւ Նիւ Եորքի մէջ` մասնակցելով յատուկ դասընթացներու: 1997-2001 ուսումը շարունակած է եւ աճարտած Երեւանի պետական համալսարանի իրաւաբանական բաժանմունքը` ստանալով իրաւաբանի որակաւորում` իրաւագիտութիւն մասնագիտութեամբ: 1996-1999 աշխատած է ՀՀ ֆինանսներու եւ տնտեսութեան նախարարութեան մէջ որպէս մասնագեէտ, բաժնի պետ, վարչութեան պետ:
1998-էն ի վեր կը դասախօսէ Երեւանի պետական համալսարանի տնտեսագիտութեան բաժանմունքին մէջ:
2005-2007 ՀՀ վարչապետի որոշմամբ նշանակուած է ՀՀ աշխատանքի եւ սոցիալական հարցերի նախարարի տեղակալ: 2007-2012 ընտրուած է Ազգային ժողովի պատգամաւոր (համամասնական ընտրակարգ, ՀՅԴ): 2007-2012` Ազգային ժողովի ֆինանսավարկային եւ պիւտճէական հարցերու մշտական յանձնաժողովի նախագահի տեղակալ:
11 գիտական յօդուածներու հեղինակ է: Ամուսնացած է, ունի երեք զաւակ։