Մայր Աթոռը Խոր Մտահոգութիւն Կը Յայտնէ Հայաստանի Մէջ Համասեռամոլներու Կողմէ Նախաձեռնուած Համաժողովի Առնչութեամբ
Վերջին օրերուն խորը մտահոգութեամբ տեղեկացանք համասեռամոլներու կողմէ Հայաստանի մէջ նախաձեռնուող համաժողովի լուրերու մասին, որ յառաջացուցած է մեր ժողովուրդի մեծ վրդովմունքը:
Մեր Քրիստոսասէր ժողովուրդը դարերէ ի վեր կրողն է աստուածօրհնեալ ընտանիքի նուիրական գաղափարը եւ պահպանողը ընտանիքի սրբագործուած արժէքը: Աստուածահաստատ ընտանիքի սրբազան խորհրդով կը շարունակուի կեանքի գոյութիւնը, կեանքի հրաշագործութիւնը: Աստուած պատուիրաններ ու բարոյականութեան օրէնքներ սահմանած է արարչաստեղծ մարդու համար: Այսօր, սակայն, փորձ կը կատարուի բարոյական շեղումները եւ ատոնց բացայայտ քարոզչութիւնը ներկայացնելու իբրեւ մարդու իրաւունքներ եւ ազատութիւններ: Քրիստոսի Սուրբ Եկեղեցին համասեռամոլութեան երեւոյթի նկատմամբ իր դիրքորոշումը արտայայտած է` անընդունելի հռչակելով այդ կենցաղակերպը իբրեւ մարդկային բնութեան խեղում, բայց երբեք չդադրելով հովուական խնամք ցուցաբերել եւ կոչ ընել այդ մեղքի մէջ յայտնուած անձերուն` սրբագրելու իրենց ընթացքը:
Խստօրէն մերժելի են եւ դատապարտելի ԼԳԲՏ ներկայացուցիչներու կողմէ հասարակութեան մէջ հրահրումներ յառաջացնելու քայլերը եւ համասեռամոլութեան երեւոյթի որեւէ հանրայնացումին ու ատոր գովազդումին, որոնք գայթակղութիւն են մեր աճող սերունդի համար եւ սպառնալիք` մեր ազգի յարատեւութեան»: