Լոյս տեսաւ Հայր Ղևոնդ Ալիշանի անտիպ նամակներու առաջին հատորը
Դեկտեմբեր 24-ին ՀՀ ԿԳՄՍ նախարարութեան նախաձեռնութեամբ կայացաւ Մխիթարեան միաբանութեան վաստակաշատ հոգեւորական Հայր Ղևոնդ Ալիշանի ծննդեան 200-ամեակին նուիրուած շնորհանդէս:
Շնորհանդէսի ընթացքին ներկայացուեցաւ նախարարութեան աջակցութեամբ և Վենետիկի Մխիթարեան միաբան, Հայր Վահան ծայրագոյն վարդապետ Օհանեանի ուսումնասիրութեամբ հրատարակուած Հայր Ղևոնդ Ալիշանի անտիպ նամակներու առաջին հատորը:
Շնորհանդէսին ներկայ էին ՀՀ ԿԳՄՍ նախարար Վահրամ Դումանեանը, նախարարի տեղակալ Նարինէ Խաչատուրեանը, գրականագէտներ եւ հոգևորականներ: Միջոցառման տեսակապով միացաւ Հայր Վահան ծայրագոյն վարդապետ Օհանեանը, որ իր խօսքին մէջ յայտնեց, որ նամակներու մեծամասնութիւնը ուղղուած է Մխիթարեան միաբաններուն, բայց նաեւ կան նամակներ ուղղուած աշխարհի տարբեր երկիրներու մէջ ապրող հայ և օտարազգի հայագէտներու, գիտնականներու, որոնց հետ Հայր Ղևոնդ Ալիշանը կապ պահած է: Նախարար Վահան Դումանեանը իր կարգին յոյս յայտնեց, որ Ալիշանի նամակներու հրատարակումը շարունակական բնոյթ կը կրէ։
2021 թուականին լոյս կ՚ընծայուին նաև Ղևոնդ Ալիշանի անտիպ նամակներու երկրորդ եւ երրորդ հատորները: