Հայաստան – Արաբական Միացեալ Էմիրութիւններ 4-3 – video

Ֆութպոլի Հայաստանի եւ Արաբական Միացեալ Էմիրութիւններու հաւաքականներուն միջեւ մրցումը կայացաւ Զուիցերիոյ մէջ (Ժնեւ)։

Առաջին կիսախաղը աւարտեցաւ Հայաստանի հաւաքականի յաղթանակով՝ 2-1:

 Մրցումին հաշիւը 37-րդ վայրկեանին բացաւ չեխական «Պրիբրամի» խումբի պաշտպան Լեւոն Հայրապետեանը, որ իր առաջին կոլը նշանակեց Հայաստանի հաւաքականի կազմին համար: Երեք վայրկեան ետք արաբական խումբը հաւասարեցուց հաշիւը, սակայն 42-րդ վայրկեանին գերմանական Տորտմունտ քաղաքի «Պորուսիա» խումբի կիսապաշտպան Հենրիխ Մխիթարեանը դարձեալ յառաջ մղեց Հայաստանի կազմին՝ 2-1:

Երկրորդ կիսախաղի 67-րդ վայրկեանին Մխիթարեան նշանակեց Հայաստանի երրորդ կոլը իսկ 71-րդ վայրկեանին Ռոմիան Յովսէփեան նշանակեց չորրորդը։ Երկրորդ կիսախաղին արաբական կազմը նշանակեց 2 կոլ։ Խաղը աւարտեցաւ 4-3՝ ի նպաստ Հայաստանի։

Նշենք, որ մարզիչ Պեռնար Շալանտի հետ Հայաստանի հաւաքականի առաջին մրցումն էր այս մէկը։

 Հայաստանի կազմը Մայիս 31-ին պիտի մրցի Ալճերիոյ դէմ։

Մրցումին կոլերը դիտել հոս

http://www.youtube.com/watch?v=6J4RUCgpozg