ՀՅԴ Բիւրոյի Երիտասարդական գրասենեակի «Վերելք» ծրագիրը կը շարունակուի

Յարգելի՛ արցախցի երիտասարդներ,

Ուրախութեամբ տեղեկացնում ենք, որ ՀՅԴ Բիւրոյի Երիտասարդական Գրասենեակի «Վերելք» երիտասարդական ծրագիրը շարունակւում է, որի երրորդ տարբերակը նախատեսուած է Արցախից բռնի տեղահանուած երիտասարդների համար եւ որը հովանաւորւում են ՀՅԴ ԱՄՆ Արեւելեան շրջանի Հայ Երիտասարդաց Դաշնակցութիւնը եւ Հայ Օգնութեան Միութիւնը։

2021թ. Արցախում յաջողուած «Վերելք» երիտասարդ ձեռներէցների պիլոտային ծրագիրը եւ ապա 2022թ. Սիւնիքում նրա երկրորդ տարբերակը մեզ պարտաւորեցնում են այս ուղղութեամբ շարունակել գործունէութիւնը: Ականատես լինելով Արցախի հայաթափման արհաւիրքին, մեզ համար առաջնային նպատակ է գործադրել բոլոր ջանքերը՝ բռնի տեղահանուած արցախահայութեանը ՀՀ-ում պահելու եւ արտագաղթի հոսքերի դէմ պայքարելու համար:

Ուստի, «Օփթիմայզ» խորհրդատուական ընկերութեան հետ համագործակցաբար տրւում է «Վերելք»-ի նոր մեկնարկը, որով արցախցի երիտասարդները հնարաւորութիւն կը ստանան ձեռք բերել նոր գիտելիքներ եւ ամրապնդել արդէն իսկ ունեցածը։ Ծրագրի բնոյթը ձեւափոխուել է եւ համապատասխանեցուել ՀՀ-ում արցախցի երիտասարդութեան դիմագրաւած մարտահրաւէրներին լուծումներ առաջարկելու համար:

Ծրագիրը ունի երեք փուլ:

Ա. Մէկ ու կէս ամիս տեւողութեամբ դասընթացների շարք, որը տալու է մասնակից երիտասարդներին բոլոր անհրաժեշտ եւ նախնական հմտութիւնները՝ ՀՀ-ում աշխատանքի անցնելու համար:
Բ. Մասնակիցները իրենց ստացած գիտելիքները օգտագործելով՝ կը կատարեն ուսումնասիրութիւններ եւ դրանք կը քննարկեն ժիւրիների հետ։
Գ․ Ա. եւ Բ. փուլերը լաւագոյն արդիւնքներով աւարտած մասնակիցներին «Վերելք»-ի կողմից կտրուի աշխատանքի ուղղորդում եւ նիւթական աջակցութիւն՝ մասամբ հովանաւորելով մէկ տարուայ աշխատավարձն ու խրախուսելով գործատուներին։
«Վերելք» ծրագրի Ա. փուլի ընթացքում շաբաթական 2 անգամ կազմակերպուելու են հետեւեալ դասընթացները․

1. Գրագէտ CV-ի կազմում
2. Փափուկ հմտութիւններ (Soft skills)

3. Հարկային եւ աշխատանքային օրէնսդրութեան ուսումնասիրութիւն
4. Գաղափարից՝ պիզնես (Startup and fundraising)

5. Պիզնես էթիկա եւ հաղորդակցութիւն
6. Մարդկային ռեսուրսների կառավարում
7. Պիզնես մոտել CANVAS
8. Ղեկավարման մոտելներ եւ հմտութիւններ
9. Մարքէթինկի հմտութիւններ
10. Պրոէկտների կառավարում եւ մոնիթորինկ
11. Ֆինանսական գրագիտութիւն
12. Վաճառքի հմտութիւններ

Դասընթացներն անցկացուելու են լաւագոյն մասնագէտների կողմից, ովքեր կիրառելու են նորարական մօտեցումներ՝ իւրաքանչիւր մասնակցի համար ապահովելով ինչպէս անհատական, այնպէս էլ թիմային աշխատանք։

Եթէ դուք 21-35 տարեկան էք, ապա այս անվճար դասընթացները հենց ձեզ համար են։ Շտապէ՛ք գրանցուել այս ծրագրին, որը հնարաւորութիւն կը տայ աւելացնել ձեր մասնագիտական կարողութիւններն ու կ’օգնի ձեզ՝ ձեր կարիերայի առաջխաղացման գործում։ Ծրագրին կարող էք միանալ լրացնլելով ստորեւ տեղադրուած յայտադիմումը:

https://forms.gle/Dy8BYtnyDsjdHLaM8

«Վերելք» ծրագրի մանրամասնութիւնների ներկայացումը տեղի կ’ունենայ Իբիս Երեւան Կեդրոնում (Հիւսիսային պողոտայ 5/1), ս․թ․ Փետրուարի 5-ին, ժամը՝ 19։00-ին։

Շտապէ՜ք, տեղերը սահմանափակ են: