Իշխող ուժը պէտք է առաջարկի այլ ճանապարհային քարտէզ, կամ հրաժարական տայ եւ հեռանայ
«Առաջին անգամ յաջողուած նախադէպ ունենք, երբ քաղաքացիական նախաձեռնութեան կարգով ներկայացւում է 50 հազար ստորագրութիւնը, ինչն անհրաժեշտ է Սահմանադրութեամբ», ԱԺ պետական-իրաւական հարցերի մշտական յանձնաժողովում յայտարարեցՀՅԴ անդամ, «Հայաստան» խմբակցութեան քարտուղար Արծուիկ Մինասեանը ներկայացնելով «Հայաքուէ» քաղաքացիական օրէնսդրական նախաձեռնութեան առաջադրած օրակարգային հարցի մասին խմբակցութեան ներկայացրած յայտարարութեան նախագիծը։
Նա նշեց, որ առաջին անգամ է, որ 58 հազար քաղաքացու ստորագրութեամբ հանրութիւնն օրէնսդրական նախաձեռնութիւն է ներկայացրել, ինչն ամարագրուած է յայտարարութեան մէջ։
«Յատկապէս այս նախաձեռնութեան արժեւորումը նրանում է, որ ազգային կարեւորագոյն հարցերին է վերաբերում։ Այն է՝ Արցախի ինքնորոշման իրաւունքի անվերապահ ճանաչումը եւ դրա դէմ ուղղուած որեւէ գործողութիւն դատապարտելի համարելը, քրէօրէն պատժելի արարք որակելը եւ Հայոց ցեղասպանութեան դէմ իրականացուող գործողութիւնները քրէականացնելը», Ասաց Մինասեանը։
Նա պարզաբանեց, որ քրէօրէն պատժելի է համարւում այն բոլոր գործողութիւնները, որոնք նպատակաուղղուած են նսեմացնելու Հայոց ցեղասպանութեան փաստը, դրա ճանաչումը կամ հետեւանքների վերացմանն ուղղուած աշխատանքները։
«Սա կարեւոր գործիք է այն քաղաքական ուժերի հանդէպ վերահսկուղութիւն իրականացնելու, որոնք նախընտրական ծրագրերում եւ իրենց յայտարարութիւններում ամրագրել են նորմեր, որոնք անհրաժեշտ է նաեւ քաղաքացիների կողմից ընթացիկ վերահսկողութիւն իրականացնելու առումով», յայտարարեց «Հայաստան» խմբակցութեան քարտուղարը։
Միանասեանը յայտնեց, որ յայտարարութեան մէջ մէջբերուել են ՀՀ ԱԺ բոլոր երեք խմբակցութիւնների նախընտրական ծրագրերում եւ կառավարութեան ծրագրում ներառած են Արցախի ինքնորոշման, նրա իրաւունքի հարցը։
Ընդդիմադիր պատգամաւորը յայտնեց, որ եթէ քաղաքական ուժերն իրենց նախընտրական ծարագրում յայտարարում են, բայց իրականում այն չեն իրականացնում, ապա ստացւում է, որ խաբում են քաղաքացիներին։
«Միջազգային ասպարէզում էլ ընկալւում է, որ ԱԺ մտած քաղաքական ուժերը ժողովրդին մի բան են խոստանում, բայց գալիս են իշխանութեան, կամ Աժ եւ իրականացնում են լրիւ հակառակը», յայտարարեց Մինասեանը։
Նրա խօսքով՝ իշխանութեան գլուխ կանգնած քաղաքական ուժը կա՛մ պէտք է փոխի իր նախընտրական ծրագրերում առկայ դրոյթները, կա՛մ պէտք է հրաժարական տայ։
«Եթէ մեծամասնութիւն կազմող ՔՊ-ն իր որոշմամբ է մեծ հաշուով հնարաւորութիւն տալու այս յայտարարութիւնը ընդունել կամ մերժել՝ կամ պէտք է առաջարկի նախընտրական ծրագրի եւ կառավարութեան ծրագրով ամրագրուած եւ ստանձնած պարտաւորութեան այլ ճանապարհային քարտէզ, եթէ դա էլ չի անում, բնականաբար, վերջին լուծումը մնում է հրաժարական եւ հեռացում», յայտարարեց Մինասեանը:
Մանրամասները՝ տեսանիւթում
Comments are closed.