2009-էն Ետք Առաջին Անգամն Ըլլալով. Մանչեսթըր Եունայթըտ Յաղթական` Յաջորդական 8-րդ Մրցումն Ըլլալով
784
0
Ուէյն Ռունի
Անգլիոյ ֆութպոլի բաժակի մրցաշարքի 1-32-րդ հանգրուանին ծիրին մէջ, շաբաթավերջին, Մանչեսթըր Եունայթըտ 4-0 արդիւնքով յաղթեց իր հիւրին` Ռիտինկին (Ա. դասակարգ):
Մանչեսթըրի այս յաղթանակը եղաւ յաջորդական 8-րդը` տարբեր տեսակի մրցաշարքերուն ընթացքին:
Վերջին անգամ 2009-ին էր, որ Մանչեսթըր արձանագրած էր ինը յաղթանակ, իր մարզիչին` Ալեքս Ֆերկըսընի հետ:
Հայաստանի ֆութպոլի ազգային հաւաքականին միջնապահ` Հենրիխ Մխիթարեան, թէեւ Մանչեսթըրի փոխարինողներուն ցանկին մէջ էր, սակայն դաշտ չներկայացաւ:
Նշենք, թէ այս մրցումին 31 տարեկան Ուէյն Ռունի, որ 2004-էն ի վեր մաս կը կազմէ Եունայթըտի, իր 450-րդ մրցումը կատարեց անոր հետ` նշանակելով իր 249-րդ կոլը. այսպիսով հաւասարեցաւ ակումբին պատմութեան լաւագոյն ռմբարկու` Պոպի Չարլթընի հաստատած մրցանիշին: