Հայ Ըմբիշները Մետալներով Վերադարձան Վրաստանէն

15-17 հոկտեմբերին Վրաստանի Օնի քաղաքին մէջ տեղի ունեցաւ ողիմպիական եւ աշխարհի ախոյեան Դաւիթ Կոպեճեշվիլիի անուան ազատ ոճի ըմբշամարտի միջազգային երիտասարդական մրցաշարքը:

ArmSport.am կայքը կը հաղորդէ, որ Հայաստանի հաւաքականի աւագ մարզիչ Աւետիք Վարդանեանի ղեկավարութեամբ երիտասարդական մրցաշարքին մասնակցած 10 մարզիկներէն 5-ը արժանացած են մետալներու:

Մրցաշարքի ախոյեաններ դարձան Հայկ Պատալեան (50 քկ) եւ Մխիթար Գրիգորեան (55 քկ):

Իսկ պրոնզէ մետալներու տիրացան Վաղինակ Մաթէոսեան (55 քկ), Սարգիս Յովսէփեան (84 քկ) եւ Կարէն Զուրապեան (60 քկ):

Նշենք, որ մրցաշարքին մասնակցեցան 130 մարզիկներ` Վրաստանէն, Հայաստանէն, Ռուսիայէն եւ Ազրպէյճանէն: