Ռոպերթ Արզումանեան Հրաւիրուեցաւ Հայաստանի Հաւաքական

Ռուսական Ամքար ակումբին մաս կազմող յետսապահ Ռոպերթ Արզումանեան հրաւիրուեցաւ Հայաստանի ֆութպոլի ազգային հաւաքական, կը յայտնէ ռուսական ակումբին պաշտօնական կայքը:

31 օգոստոսէն 7 սեպտեմբեր Հայաստանի հաւաքականը ուսումնամարզական հաւաք պիտի կատարէ` պատրաստուելու համար Սերպիոյ (4 սեպտեմբեր) եւ Դանիոյ (7 սեպտեմբեր) դէմ տեղի ունենալիք Եուրօ-2016-ի Եւրոպայի ֆութպոլի ախոյեանութեան զտումի մրցումներուն:

TotalFootball.am կայքը կ՛աւելցնէ, որ Ռուսիոյ ֆութպոլի ընթացիկ ախոյեանութեան Ռոպերթ Արզումանեան ցարդ մրցում չէ կատարած, մինչ 2014-2015 տարեշրջանին կատարած էր 8 մրցում: