Զենիթ Եւ Քրասնոտար Կը Հրաժարին Ուսումնամարզական Հաւաքի Համար Թուրքիա Մեկնելէ

Ռուսական մարզական մամուլը կը հաղորդէ, որ ռուսական ֆութպոլի երկու խումբեր` Զենիթ եւ Քրասնոտար, կը հրաժարին Թուրքիա մեկնելէ` այդտեղ ուսումնամարզական հաւաք կատարելու համար:

Թուրքիոյ փոխարէն անոնք իրենց հաւաքը պիտի կատարեն Արաբական Միացեալ Էմիրութիւններուն մէջ` պատրաստուելու համար Ռուսիոյ ֆութպոլի Ա. դասակարգի ախոյեանութեան դարձի մրցումներուն:

Ուսումնամարզական հաւաքի վայրի փոփոխութեան հարցը բնականաբար կապուած է Թուրքիոյ մէջ տիրող ապահովական անկայուն իրավիճակին հետ:

Նշուեցաւ նաեւ, որ Լոքոմոթիւ Մոսկուա իր երրորդ հաւաքը պիտի կատարէ Սպանիոյ մէջ` Թուրքիոյ փոխարէն: