«Փրեմիեր Լիկ». Այսօր Կը Սկսի 19-րդ Եւ Երթի Վերջին Հանգրուանը
852
0
Անգլիոյ ֆութպոլի ախոյեանութեան` «Փրեմիեր լիկ»-ի 19-րդ եւ երթի վերջին հանգրուանի բացման մրցումին, այսօր տեղի կ՛ունենայ Հալ Սիթի- Էվըրթըն բացման մրցումը:
Պարագլուխի դիրքը գրաւող Չելսի, որ վաղը կը հիւրընկալէ Սթոք Սիթին, արդէն իսկ հանդիսացած է երթի ախոյեան` նկատի ունենալով, որ անիկա այժմ 6 կէտի առաւելութիւն մը ունի 2-րդ դիրքը գրաւող Լիվըրփուլի վրայ, որ վաղը բաւական կարեւոր ճակատում մը ունի կատարելիք, երբ հիւրընկալէ 3-րդ դիրքը գրաւող Մանչեսթըր Սիթին:
Իսկ Մանչեսթըր քաղաքի երկրորդ խումբը` Եունայթըտ, այս տարուան իր վերջին մրցումին պիտի հիւրընկալէ Միտըլզպորոն:
Ստորեւ` երթի վերջին հանգրուանի մրցումներուն յայտագիրը (ժամերը` Պէյրութի ժամանակացոյցով. փակագիծերուն մէջ` խումբերուն գրաւած դիրքերը).
| ԱՅՍՕՐ | ԺԱՄ |
| Հալ Սիթի (20) – Էվըրթըն (7) | 22:00 |
| ՇԱԲԱԹ | |
| Պըրնլի (14) – Սանտըրլենտ (18) | 17:00 |
| Չելսի (1) – Սթոք Սիթի (13) | 17:00 |
| Լայսթըր Սիթի (16) – Ուեսթ Համ (11) | 17:00 |
| Մանչեսթըր Եունայթըտ (6) – Միտըլզպորօ (15) | 17:00 |
| Սաութհեմփթըն (8) – Ուեսթ Պրոմուիչ (9) | 17:00 |
| Սուանզի (19) – Պուրնըմաութ (12) | 17:00 |
| Լիվըրփուլ (2) – Մանչեսթըր Սիթի (3) | 19:30 |
| ԿԻՐԱԿԻ | |
| Ուաթֆորտ (10) – Թոթենհամ (5) | 15:30 |
| Արսենալ (4) – Քրիսթալ Փալաս (17) | 18:00 |