Եւրոպայի Ախոյեանութիւն. Հայաստանի 19 Տարեկանէն Վար Հաւաքականին Վերջնական Կազմը

10-15 նոյեմբերին Երեւանի մէջ տեղի պիտի ունենայ Եւրոպայի 19 տարեկանէն վար ֆութպոլի ախոյեանութեան Է. խմբակին զտումի մրցաշարքը, որուն ընթացքին Հայաստանի մրցակիցները պիտի ըլլան Իտալիա, Զուիցերիա եւ Հունգարիա:

Նշենք, որ 5 նոյեմբերին հաւաքականը սկսաւ մարզական հաւաքի մը` Աւանի ֆութպոլի ակադեմիային մէջ:

Գլխաւոր մարզիչ Արամ Ոսկանեան հաւաքի հրաւիրուած 24 ֆութպոլիստներէն ընտրեց մրցաշարքին մասնակցող 18 մարզիկները:

Ստորեւ` հաւաքականին վերջնական կազմը.

ԲԵՐԴԱՊԱՀՆԵՐ.- Նիքոլա Մելիքեան (Աթրոմիթոս, Յունաստան) եւ Մարք Գրիգորեան (Տոնաֆելտ, Աւստրիա):

ՅԵՏՍԱՊԱՀՆԵՐ.- Էմիլ Ղուկասեան (Փիւնիկ), Հայկ Սարգսեան, Էտկար Գրիգորեան (Բանանց), Իշխան Մանուկեան (Ալաշկերտ) եւ Պետրոս Տէր Պետրոսեան (Արարատ):

ՄԻՋՆԱՊԱՀՆԵՐ.- Հրաչիկ Գէորգեան (Թեննիս, Պորուսիա, Գերմանիա), Հայկ Գալստեան (Պոխում, Գերմանիա), Ալպերթ Մնացականեան (Սպարտակ Մոսկուա, Ռուսիա), Արթուր Նադիրեան, Յովհաննէս Յարութիւնեան, Յովհաննէս Նազարեան, Դաւիթ Պաղտասարեան եւ Էրիք Վարդանեան (Փիւնիկ):

ՅԱՌԱՋԱՊԱՀՆԵՐ.- Վահան Բիչախեան (Շիրակ), Էրիք Պետրոսեան (Փիւնիկ) եւ Էտկար Մովսէսեան (Բանանց):