Մաթէօ Տարմեան` Մանչեսթըր Եունայթըտի Ֆութպոլիստ
Մաթէօ Տարմեան
Թորինոյի եւ Իտալիոյ ֆութպոլի ազգային խումբի յետսապահ Մաթէօ Տարմեան ֆութպոլիստի իր արհեստավարժ ասպարէզը պիտի շարունակէ Մանչեսթըր Եունայթըտի հետ: Այս մասին կը յայտնէ իտալական ակումբին պաշտօնական կայքը:
Անոր փոխանցման գումարին մասին թէեւ ճշգրիտ տեղեկութիւն չի յայտարարուիր, սակայն կը կարծուի որ Մանչեսթըր Եունայթըտ վճարած է 20 միլիոն եւրօ:
25 տարեկան Տարմեան, որ հայկական արմատներ ունի նախորդ տարեշրջանին 33 մրցումի ընթացքին նշանակեց 2 կոլ:
Ան չորս տարուան համաձայնագիր մը ստորագրեց անգլիական ակումբին հետ:
Պասթիան Շվայնսթայկըր
Շվայնսթայկըր Եւս Միացաւ Խումբին
Մանչեսթըր Եունայթըտ իր կազմին միացուց նաեւ Պայէրն Միւնիխի եւ Գերմանիոյ ֆութպոլի ազգային խումբի միջնապահ Պասթիան Շվայնսթայկըրը` անոր համար վճարելով 20 միլիոն եւրօ:
30 տարեկան ֆութպոլիստը, որ 3 տարուան պայմանագրութիւն մը ստորագրեց, տարեկան պիտի ստանայ 10 միլիոն եւրօ աշխատավարձ: