Հայաստանի Ֆութպոլի Ազգային Եւ Երիտասարդական Հաւաքականները Կը Սկսին Նախապատրաստուիլ

mars 24, 2015 1176 0


3-24-15_training25 մարտին Հայաստանի ֆութպոլի երիտասարդական հաւաքականը ֆութպոլի բարեկամական մրցումի մը ընթացքին պիտի մրցի Լաթվիոյ 21 տարեկանէն վար ազգային խումբին դէմ:

Նախապատրաստուելու համար այս մրցումին, Հայաստանի 21 տարեկանէն վար հաւաքականը 23-25 մարտին պիտի ունենայ մարզական հաւաք մը` Հայաստանի ֆութպոլի ֆետերասիոնին ֆութպոլի ակադեմիային մէջ:

Գլխաւոր մարզիչ Սարգիս Յովսէփեանի կողմէ նախապէս հրաւիրուած 23 ֆութպոլիստներուն միացած է նաեւ Աղուան Պապիկեան, կը յայտնէ ArmSport.am:

Իր կարգին, Հայաստանի ֆութպոլի ազգային հաւաքականը նոյն վայրին մէջ 23-27 մարտին պիտի կատարէ մարզական հաւաք` պատրաստուելու համար Ալպանիա – Հայաստան Եուրօ-2016-ի ֆութպոլի ախոյեանութեան զտումի մրցաշարքին:

Նշենք, որ Հայաստանի ազգային հաւաքականը Ալպանիա կը մեկնի 27 մարտին:


Leave a Comment

You must be logged in to post a comment.