Ռոնալտօ Ցուցադրեց Իր Ոսկիէ Գնդակը

Նախորդ շաբաթավերջին Սպանիոյ ֆութպոլի ախոյեանութեան Լա լիկայի 17-րդ հանգրուանին ծիրին մէջ, Ռէալ Մատրիտ – Կրանատա մրցումէն առաջ, հիւրընկալ կազմին յառաջապահ փորթուգալցի Քրիսթիանօ Ռոնալտօ, ցուցադրեց իր ոսկիէ գնդակը, որուն տիրացած էր 12 դեկտեմբերին:

Նշենք, որ 31 տարեկան Ռոնալտօ, որ վերոնշեալ մրցումին նշանակեց իր կազմին երրորդ կոլը (5-0), այսպիսով, 4-րդ անգամ ըլլալով էր, որ կը տիրանար այս տիտղոսին: