Ըստ թուրք պատգամաւորին՝ Թուրքիոյ մէջ Դաշնակցութեան (ՀՅԴ) առաքելութիւնը կը շարունակեն երկու կուսակցութիւններ

Թրքական ազգայնամոլ «Գորշ գայլեր» կազմակերպութեան քաղաքական թևը համարուող Թուրքիոյ ընդդիմադիր «Ազգայնական շարժում» կուսակցութեան (MHP) փոխնախագահ, պատգամաւոր փրոֆ. Սեմիհ Եալչընը Թուրքիոյ ներքաղաքական կացութեան մասին յայտարարութիւն կատարած է, նշելով, որ Յունիս 7-ին կայացած խորհրդարանական ընտրութիւններու արդիւնքները պատճառ դարձան քաղաքական ճգնաժամի և ահաբեկչական միջադէպերու:

Սեմիհ Եալչըն նաեւ յայտարարած է, որ քրտամէտ «Ժողովուրդներու դեմոկրատական կուսակցութեան» (HDP) ղեկավարները առնչութիւն ունին «Քիւրտիստանի աշխատաւորական կուսակցութեան» (PKK) հետ: Ըստ Եալչընի՝ անիմաստ է տարբերութիւն դնել HDP -ի և նրա զինված թևի PKK-ի միջև:

Ան նաեւ բաղդատական կատարած է PKK-ի և Հայ Յեղափոխական Դաշնակցութեան (ՀՅԴ) միջև՝ ըսելով. « PKK-ն ունի նոյն անջատողական նպատակները, որ ունէր ՀՅԴ-ն, որ ստեղծուած էր 1890 թուականին և կը ցանկար Օսմանեան հողերուն վրայ ինքնավար շրջան ստեղծել: ՀՅԴ-ի առաքելութիւնը HDP-ը եւ PKK-ը կը շարունակեն»: