Բազկամարտ. Վազգէն Սողոյեան Հանդիսացաւ Միացեալ Նահանգներու Ախոյեան Եւ Կը Մասնակցի Աշխարհի Ախոյեանութեան

June 11, 2015 1328 0


6-10-15_pazgamard

ArmSport.am հայկական լրատուական կայքը կը հաղորդէ, որ Լաս Վեկասի մէջ տեղի ունեցաւ Միացեալ Նահանգներու բազկամարտի ախոյեանութիւնը, որուն իր մասնակցութիւնը բերաւ նաեւ Լոս Անճելըսի մէջ բնակող Վազգէն Սողոյեան:

Սողոյեան, որ հանդէս եկաւ 70 քկ դասակարգի մրցումներուն, աջ ձեռքով տեղի ունեցած ախոյեանութեան գրաւեց առաջին դիրքը` դառնալով ախոյեան:

Ան այսպիսով ընդգրկուեցաւ Միացեալ Նահանգներու հաւաքականին մէջ եւ սեպտեմբերին Քուալա Լամփուրի մէջ կը մասնակցի աշխարհի ախոյեանութեան:

Նշենք, որ Վազգէն Սողոյեան աշխարհի եռակի ախոյեան է եւ բազմիցս յաղթած է տարբեր տեսակի մրցաշարքերու:

Մինչեւ աշխարհի ախոյեանութիւնը, ան 12 յուլիսին Լաս Վեկասի մէջ գտնուող «Հարտ Ռոք» պանդոկին մէջ «Արմրեսթլինկ լիկ Չեմփիըն»-ի կոչման համար 6 ռաունտերէ բաղկացած հանդիպում պիտի ունենայ Քանատան ներկայացնող Քրիս Կոպիի դէմ:

 

 


Leave a Comment

You must be logged in to post a comment.