Հայաստանի Բնակչութիւնը Նուազած Է, Երեւանինը՝ Աւելցած

ԵՐԵՒԱՆ, «Երկիր».- 1 Յունուար 2015ի դրութեամբ Հայաստանի Հանրապետութեան մնայուն բնակիչներուն թիւը կազմած է 3 միլիոն 10 հազար 600 հոգի, որուն քաղաքային բնակչութիւնը՝ 1 միլիոն 912 հազար 900 մարդ, գիւղական՝ 1 միլիոն 97 հազար 700 մարդ:
Նախորդ տարուան 1 Յունուարին հետ բաղդատելով՝ Հայաստանի մէջ մնայուն բնակչութիւնը նուազած է 6500ով, որուն քաղաքայինը՝ 1200ով, իսկ գիւղականը՝ 5300ով:

Աւելցած է Երեւան քաղաքի մնայուն բնակիչներուն թիւը։ 1 Յունուար 2014ի դրութեամբ անոնց թիւը 1 միլիոն 68 հազար 300 հոգի էր, 2015ին դարձած է 1 միլիոն 71 հազար 500 հոգի:

Արագածոտնի մարզին մէջ 1 Յունուար 2015ի դրութեամբ մնայուն բնակչութիւնը կազմած է 131 հազար 300 մարդ, Արարատի մէջ՝ 260 հազար 100 մարդ, Արմաւիրի մէջ՝ 267 հազար, Գեղարքունիքի մէջ՝ 233 հազար, Լոռիի մէջ՝ 228 հազար, Կոտայքի մէջ 255 հազար, Շիրակի մէջ՝ 246 հազար 400, Սիւնիքի մէջ՝ 140 հազար 200, Վայոց Ձորի մէջ՝ 51 հազար 400, Տաւուշի մէջ՝ 126 հազար 700 մարդ: