Վատիկանը Չեղեալ Յայտարարած Է Կալիպոլիի 100ամեակին Մասնակցելու Որոշումը
1299
0
ԵՐԵՒԱՆ, «Նիուզ».- Հռոմի պապին դէմ թրքական իշխանութիւններու քննադատութիւններէն ետք, Վատիկան յայտարարած է, որ պիտի չմասնակցի Կալիփոլիի 100ամեակին նուիրուած միջոցառումներուն:
Թրքական «Տունիա» լրատուական կայքին համաձայն՝ Անգարայի մէջ Վատիկանի դեսպանատունը տեղեկացուցած է, որ Կալիփոլիի միջոցառումներուն Վատիկանը պիտի չմասնակցի, քանի որ Վատիկանի արդարադատութեան եւ խաղաղութեան խորհուրդի առաջնորդը, որ պէտք է այցելէր Թուրքիա, հիւանդ է:
Նշենք, որ Ապրիլ 12ին Վատիկանի մէջ կայացած Հայոց Ցեղասպանութեան զոհերու յիշատակին նուիրուած պատարագին ընթացքին արտասանուած Ֆրանսիս պապի ելոյթէն ետք, թրքական իշխանութիւնները խիստ հակադարձութիւն ցոյց տուին եւ տուն կանչեցին Վատիկանի մօտ Թուրքիոյ դեսպանը: