Հայկական Ֆութպոլ. Սուրէն Չախալեանի Հրաժարականը Ընդունուեցաւ

Պաշտօնական հաղորդագրութեան մը մէջ Արարատ Երեւանի պատասխանատուները նշեցին, որ կ՛ընդունին ակումբին գլխաւոր մարզիչ Սուրէն Չախալեանի հրաժարականը:

Արարատի կազմը շնորհակալութիւն յայտնեց Չախալեանին` անոր կատարած աշխատանքին համար, անոր յաջողութիւն մաղթելով յառաջիկային անոր ստանձնելիք մարզիչի պաշտօնին առնչութեամբ:

Նշենք, որ Չախալեան նախորդ դեկտեմբերէն ի վեր բարձրագոյն դասակարգի կազմին գլխաւոր մարզիչն էր:

Երեւանեան ակումբին պաշտօնական կայքը եզրափակեց նշելով, որ յառաջիկայ օրերուն ընթացքին կը յստականայ նոր գլխաւոր մարզիչին անունը: