Անգարայի քաղաքապետարանը հայկական հարցի մասին գիրքեր կը բաժնէ

Անգարայի քաղաքապետարանի աւագանին որոշում կայացուցած է Հայկական հարցի թեմայով անվճար գրքեր և գրքոյկներ բաժնել ուսումնական և հետազօտական հաստատութիւններուն: Թրքական «haber3.com.tr» կայքէջին համաձայն` Անգարայի քաղաքապետարանը, «Նոր Թուրքիա» հրատարակչութենէն գնելով «Հայկական հարցի ժողովածու» 5 հատորեակը, «Օսմանեան նախագիծ» 12 հատորեակը և հայկական հարցին վերաբերեալ 20 այլ գրքոյկներ, կը պատրաստուի այդ գիրքերը անվճար բաժնել դպրոցներուն, գրադարաններուն, հետազօտական կեդրոններուն, միութիւններուն ու հիմնադրամներուն: 

Նշեալ գրքերու տարածումը գիտակրթական հաստատութիւններուն մէջ ապահովելու համար լիազօրուած է Անգարայի քաղաքապետարանի մամուլի և հասարակութեան հետ կապերու վարչութիւնը: