Ազատ Ոճի Ըմբշամարտ. Հայաստան 5 Մարզիկով Կը Մասնակցի Ֆրանսայի Միջազգային Մրցաշարքին
1116
0
Իր լուրը քաղելով Հայաստանի ըմբշամարտի ֆետերասիոնէն` ArmSport.am հայկական լրատուական կայքը կը հաղորդէ, որ 27-30 նոյեմբերին ֆրանսական Նիս քաղաքին մէջ տեղի պիտի ունենայ ազատ ոճի ըմբշամարտի միջազգային մրցաշարք մը:
Այս մրցաշարքին կը մասնակցի նաեւ Հայաստան` 5 մարզիկով: Անոնք են` Գարիկ Բարսեղեան (57 քկ), Դաւիթ Սաֆարեան, Արթուր Առաքելեան (65 քկ), Գրիգոր Գրիգորեան (74 քկ) եւ Մուսա Մուրթազալիեւ (84 քկ):
Հաւաքականին գլխաւոր մարզիչն է Արայիկ Պաղտատեան, իսկ օգնական մարզիչը` Յովսէփ Յովսէփեան: Իբրեւ իրաւարար հանդէս պիտի գայ Գէորգ Յարութիւնեան: