Ճատրակ. Լեւոն Արոնեան Բարձրացաւ 4-րդ Դիրք
1145
0
Նախորդ շաբաթավերջին ՖԻՏԷ-ն հրապարակեց աշխարհի ճատրակի ընդհանուր նոր դասաւորումը` նոյեմբեր ամսուան:
Հայաստանի հաւաքականի յառաջատար Լեւոն Արոնեան մէկ դիրք յառաջանալով այժմ կը գրաւէ 4-րդ դիրքը` ապահովելով 2797 կէտ:
Առաջին դիրքին վրայ կը գտնուի աշխարհի ախոյեան նորվեկիացի Մակնիւս Քարլսըն (2863), ապա յաջորդաբար` իտալացի Ֆապիանօ Քարուանա (2839) եւ պուլկարացի Վեսելին Թոփալով (2800):
Հայաստանէն առաջին հարիւրին մէջ կը գտնուին Գաբրիէլ Սարգսեան` 51-րդ (2687), Հրանդ Մելքումեան` 64-րդ (2678), Սերկէյ Մովսիսեան` 90-րդ (2659) եւ Վլատիմիր Յակոբեան` 95-րդ (2657):