Հայ Հրացանաձիգները Տիրացան Երեք Նոր Մետալի

Սպանիոյ Կրանատա քաղաքին մէջ տեղի ունեցող աշխարհի հրացանաձգութեան 51-րդ ախոյեանութեան ծիրին մէջ, Հայաստանէն երեք մարզիկներ տիրացան երեք նոր մետալի:

Երիտասարդ տղոց պայքարին մէջ վազող թիրախի (10 մեթր, 30+30 կրակոց) մրցումին Ռազմիկ Մինասեան ապահովելով 555 կէտ գրաւեց 3-րդ դիրքը:

Նոյն մարզաձեւին մէջ, սակայն աղջկանց մրցումներուն, Լիլիթ Մկրտչեան տիրացաւ արծաթ մետալին: Իսկ երրորդ մետալին տիրացաւ (պրոնզ) Շանթ Սարգսեան: