Նանճինկ – 2014. Հայաստանի 5-րդ Մետալը
1341
0
Զաւէն Միքայէլեան
Չինաստանի մէջ տեղի ունեցող Նանճինկ-2014-ի պատանեկան ողիմպիական խաղերուն ծիրին մէջ երէկ, Հայաստան տիրացաւ իր 5-րդ մետալին, երբ յունահռոմէական ոճի ըմբշամարտի 58 քկ դասակարգին մէջ Զաւէն Միքայէլեան տիրացաւ արծաթ մետալին:
3 յաղթանակ արձանագրելէ ետք ան ապահովեց աւարտականի իր տոմսը, ուր մրցեցաւ Ռուսիան ներկայացնող Արսլան Զուպայրովի դէմ: Հայ ըմբիշը 4 – 1 արդիւնքով պարտութիւն մը կրելով դարձաւ արծաթէ մետալակիր:
Նախքան այդ, Նարեկ Մանասեան (կռփամարտիկ) 81 քկ դասակարգի մրցումներուն տիրացաւ պրոնզ մետալին: Նշենք, որ ան առաջին հանգրուանին 3 – 0 արդիւնքով յաղթեց թուրք Մեհմեթ Թեքնեյին:
Այսպիսով, Հայաստան ցարդ տիրացած է 2 ոսկի, 2 արծաթ եւ 1 պրոնզ մետալի, իր լուրը կ՛եզրափակէ Armsport.am: