«ԱԼ-ԱՐԱՊ» Կ՚ԱՆԴՐԱԴԱՌՆԱՅ «ՀՈԹԷԼ ՊԱՐՈՆ» ՎԷՊԻՆ
Լոնտոնեան «Ալ-Արապ» օրաթերթը անդրադարձաւ սուրիացի վիպագիր Ապտօ Խալիլի (նկարը) արաբերէն «Ֆունտուք Պարոն» վէպին, որ կը ներկայացնէ Լոտոնի եւ Հալէպի միջեւ սիրոյ արկածախնդրութիւն մը, որուն թատերաբեմը Հալէպի հռչակաւոր «Օթել Պարոն»-ն է։
Խալիլ կը փորձէ ներկայացնել Սուրիոյ մէջ բողոքի ցոյցերը սկսելէն ամիսներ ետք Հալէպի մէջ տիրած հանդարտ մթնոլորտը եւ ինչպէս այդ մէկը երկար չտեւեց։
Վերջերս «Ատապ» հրատարակչատունէն լոյս տեսած վէպին տիպարներէն է ծերունի Կարոն, որուն ճամբով վիպագիրը կը ներկայացնէ Հայոց ցեղասպանութեան հարցը։ Աւելի քան 80 տարեկան եղող Կարոն ցեղասպանութեան ընթացքին կորսնցուցած է իր ընտանեկան պարագաները։ Ան անոնց հետքը կորսնցուցած է, սակայն կառչած կը մնայ իր արմատներուն եւ զինք շրջապատողներուն կը պատմէ իր կորսնցուցած հարազատներուն եւ պատմութեան ընթացքին հայերուն կրած տարապանքներուն մասին։