2013ին Հայաստանի Քաղաքացիութիւն Ստացած Են 21 Հազար Հայեր

June 03, 2014 1313 0


 

2013ին Հայաստանի քաղաքացիութիւն ստացած են 21 հազար հայեր: 27 Մայիսին այս մասին յայտարարած է Հայաստանի նախագահի աշխատակազմի ղեկավար Վիգէն Սարգսեանը՝ խորհրդարանին մէջ 2013ի պետական պիւտճէի կատարման վերաբերեալ լսումներուն ընթացքին:
Անոր համաձայն՝ ասիկա մեծագոյն ցուցանիշն է Հայաստանի ողջ պատմութեան ընթացքին: Վիգէն Սարգսեան նշած է, որ Հայաստանի քաղաքացիութիւն ստացած անձերուն մէկ մասը Մերձաւոր Արեւելքէն է: «Ճիշդ է, ծագման երկիրը մեզ համար կարեւոր չէ, գլխաւորը յայտատուների անձնական գործերն են, որոնցից իւրաքանչիւրը մանրամասն ուսումնասիրւում է», յայտարարած է Սարգսեան։

Ան դիտել տուած է, որ կարեւոր չէ նաեւ այն, թէ արդեօք նոր քաղաքացիները կը պահպանե՞ն իրենց նախկին քաղաքացիութիւնը: «Հայաստանի օրէնսդրութեամբ, մենք երկքաղաքացիներին դիտարկում ենք բացառապէս որպէս Հայաստանի քաղաքացիներ, ուստի կարեւոր չէ, նա պահպանում է իր առաջին քաղաքացիութիւնը, թէ ո»չ, յայտնած է նախագահի աշխատակազմի ղեկավարը:


Leave a Comment

You must be logged in to post a comment.