Երեւանի Մէջ Սկսաւ Համազգայինի 7րդ Պատգամաւորական Ժողովը

\n \n

ԵՐԵՒԱՆ.– 29 Մայիսին Երեւանի մէջ կատարուեցաւ Համազգային Հայ Կրթական Եւ Մշակութային միութեան 7րդ Պատգամաւորական ժողովի պաշտօնական բացումը, որուն հրաւիրուած էին նաեւ հայրենի արուեստագէտներ եւ մտաւորականներ:
\n Այս ծիրին մէջ կը նախատեսուի համագործակցութեան պայմանագիր ստորագրել Երեւանի պետական համալսարանին հետ, ինչպէս նաեւ գործակցութեան յուշագիր՝ սփիւռքի նախարարութեան հետ:
\n Ժողովին կը մասնակցին շուրջ 80 պատուիրակներ՝ աշխարհի 15 երկիրներէ։
\n Համազգայինի 7րդ Պատգամաւորական ժողովը, որ պիտի շարունակուի մինչեւ 1 Յունիս, պիտի յստակացնէ համահայկական այս կառոյցին յառաջիկայ չորս տարիներու գործունէութեան ուղղութիւնները, կատարելիքներն ու ծրագիրները, ինչպէս նաեւ պիտի ընտրէ Համազգայինի նոր Կեդրոնական վարչութիւն։

\n \n