Առաջին կին հրամանատարը Հայաստանի արտակարգ իրավիճակներու համակարգի պատմութեան մէջ – Video

Հայաստանի արտակարգ իրավիճակներու համակարգի պատմութեան մէջ Ապրիլ 30-ին առաջին անգամ հրշէջ-փրկարարական ջոկատի հրամանատար նշանակուած է հայ երիտասարդուհի մը՝ Սևանի յատուկ ջրափրկարարական ջոկատի յատուկ բարդութեան ջրասուզական խումբի հրամանատարի տեղակալ, տասնապետ Էվելինա Խաչատրեանը:

Էվելինա Խաչատրեանին անձամբ շնորհաւորած է իրավիճակներու (ԱԻՆ) նախարար Արմէն Երիցեանը։ Յետ այսու, Սեւանի թիւ 33 հրշէջ-փրկարարական ջոկատի անդամները կը գործեն իրենց նոր հրամանատարի՝ Էվելինա Խաչատրեան հսկողութեան տակ։

Էվելինա Խաչատրեանը ծնած է 1981թ. Փետրուար 2-ին Գեղարքունիքի մարզի Լճաշէն գիւղը:

2003ին աւարտած է Երևանի Վ. Բրիւսովի անուան պետական լեզուաբանական համալսարանը: Մասնագիտութեամբ ուսուցչուհի է` օտար լեզուներու մասնագէտ: Կը տիրապետէ գերմաներէն, անգլերէն, ռուսերէն լեզուներուն:

Եղած է Հայկական Կարմիր խաչի ընկերութեան (ՀԿԽԸ) կամաւոր: 2005-2010 եղած է ՀԿԽԸ ջրափրկարարութեան ծրագրի հրահանգիչ, 2010-2012 գերմաներէն դասաւանդած է Մ. Խորենացիի անուան համալսարանի Սևանի մասնաճիւղէն ներս: 

2013-ի օգոստոսէն ի վեր կը ծառայէ ԱԻՆ փրկարար ծառայութեան փրկարարական ուժերու վարչութեան յատուկ ջրափրկարարական ջոկատին մէջ` որպէս յատուկ բարդութեան ջրասուզական խումբի հրամանատարի տեղակալ: 

Տեսանիւթը դիտել հոս՝

http://www.youtube.com/watch?v=KRpvWuSC70o