Բակօ Սահակեան Հադրութի Մէջ Մասնակցած Է Նորակառոյց Մարզադաշտի Բացման

May 12, 2014 1435 0


ԵՐԵՒԱՆ, «Արմէնփրէս».– Արցախի Հանրապետութեան նախագահ Բակօ Սահակեան 12 Մայիսին այցելած է Հադրութ եւ մասնակցած նորակառոյց մարզադաշտի բացման հանդիսաւոր արարողութեան։
Նախագահ Սահակեան կարեւոր նկատած է մարզական այս կառոյցը՝ Հադրութի շրջանի եւ Արցախի մէջ մարմնակրթութեան զարգացման համար՝ ընդգծելով, որ պետութիւնը յատուկ ուշադրութիւն կը դարձնէ շրջաններուն մէջ այս ոլորտի յառաջընթացին եւ համապատասխան կառոյցներու ստեղծման ու արդիականացման:
Բակօ Սահակեան շնորհակալութիւն յայտնած է Հայաստանի ֆութպոլի ֆետերասիոնի նախագահ, բարերար Ռուբէն Հայրապետեանին՝ նախագիծի իրականացման գործօն աջակցութիւն ցուցաբերելու համար:
Բացման հանդիսութեան մասնակցած են Լեռնային Ղարաբաղի Ազգային ժողովի նախագահ Աշոտ Ղուլեան, փոխվարչապետ Արթուր Աղաբեկեան, պաշտօնատար այլ անձեր, հիւրեր Հայաստանէն եւ արտերկիրէն:

Leave a Comment

You must be logged in to post a comment.