Արաբական Միացեալ Էմիրութիւններու Այն քաղաքին մէջ տեղի ունեցող աշխարհի 8-18 տարեկան տղոց եւ աղջկանց ճատրակի կրտսերներու ախոյեանութեան մրցումները արդէն իսկ կտրած են իրենց կէս ճամբան:

7-րդ հանգրուանի մրցումներէն ետք, Հայաստանի 28 մասնակցողներուն մէջ ցարդ լաւագոյն արդիւնքը արձանագրած է 12 տարեկանէն վար դասակարգի մրցումներուն մասնակցող Արամ Յակոբեան: Ան առաւելագոյն 7 կէտէն 6,5 կէտ ապահովելով այժմ կը գրաւէ առաջին դիրքը:

Իսկ 16 տարեկանէն վար դասակարգին մէջ Անի Յարութիւնեան, ապահովելով 6 կէտ, կը գրաւէ 3-րդ դիրքը:

5,5-ական կէտ ապահոված են Ռոպերթ Մուրատեան (8 տարեկանէն վար), Մամիկոն Ղարիպեան (10 տարեկանէն վար) եւ Տիգրան Յարութիւնեան (16 տարեկանէն վար):