Սրխաւենդի մէջ տեղադրուեցաւ Արցախի հերոս Պետրոս Ղեւոնդեանի պրոնզէ կիսանդրին

Նոյեմբերի 24-ին Ղարաբաղի մէջ նշուեցաւ Սրխաւենդի առանձնակի գումարտակի կազմաւորման 22-ամեակը: Գումարտակի կեդրոնատեղիի տարածքին մէջ վերաբացուեցաւ Արցախի հերոս  Պետրոս Ղեւոնդեանի (Պետօ)  պրոնզէ կիսանդրին, որ երեք տարի առաջ հոն տեղադրուած էր կրաքարի վիճակով: Կիսանդրիի հեղինակը Անդրանիկ Պողօսեանն է:

Պետրոս Ղեւոնդեան 1989-էն սկսեալ մասնակից եղած է Հայաստանի սահմանամերձ գիւղերու ինքնապաշտպանութեան ե Արցախի ազատագրական մարտերուն: Դաշնակցութեան անդամ Պետոն Շուշիի առանձնակի գումարտակի փոխ հրամանատարն էր: 1993-ի Յունուարին, Սրխաւենդի մէջ, Պետոն հակօդային հրթիռարձակով վար առաւ հայկական դիրքերը ռմբակոծող ատրպէյճանական «Միկ-25» ռազմօդանաւը: Պետրոս Ղեւոնդյանը զոհուած է 1994 -ի Փետրուարի 14-ին Քարվաճառի մէջ, ականի ապյթումի հետեւանքով:

1996-ին, յետ մահու, պարգեւատրուած է «Մարտական խաչ» շքանշանով: 2001-ին Պետրոս Ղեւոնդեանին շնորհուած է Արցախի հերոսի կոչում: