«1489» Հայկական Ֆիլմը Արժանացաւ IDFA-ի Գլխաւոր Մրցանակին
577
0

Ամսթերտամի վաւերագրական ֆիլմերու հեղինակաւոր փառատօնին (IDFA, International Documentary Festival Amsterdam), հայկական «1489» ֆիլմը արժանացաւ գլխաւոր մրցանակին («Լաւագոյն ֆիլմ»). Ֆիլմին եղինակը Շողակաթ Վարդանեանն է։
Շողակաթ Վարդանեանի ժապաւէնին անուանումը 44օրեայ պատերազմին անոր զոհուած եղբօր՝ Սողոմոնի մարմինին տրուած 1489 թիւն է։ Սողոմոնը անհետացած էր Հոկտեմբեր 2020ին։ Երիտասարդ բեմադրիչը, օգտագործելով իր հեռաձայնին ոսպնեակը՝ նկարահանած է եղբայրը գտնելու իր բոլոր որոնումները եւ փաստագրած այն ճամբաները, որոնցմէ ինք եւ իր ընտանիքը ստիպուած էին անցնիլ:
Comments are closed.