Ռուս Սահմանապահները Դուրս Եկան «Զուարթնոց» Օդակայանէն
76
0
Ռուս սահմանապահները այսօր դուրս եկած են Երեւանի «Զուարթնոց» օդակայանէն, ուր տեղի ունեցած է հրաժեշտի պաշտօնական ձեռնարկ:
Հայաստանի Հանրապետութեան սահմանապահ զօրքերու հրամանատար Էտկար Յունանեան շնորհակալութիւն յայտնած է ռուսական կողմին 32-ամեայ միացեալ ծառայութեան համար:
Ռուս սահմանապահները «Զուարթնոց»-ի մէջ տեղակայուած էին 1992 թուականէն:
Մարտին` իր վերջին ասուլիսի ընթացքին, վարչապետ Նիկոլ Փաշինեան ըսած էր, թէ հայկական կողմը դիմած է ռուսականին եւ տեղեկացուցած, որ Հայաստանը բաւարար կարողութիւններ ունի` ինքնուրոյն իրականացնելու սահմանի հսկողութիւնը:
Ռուս սահմանապահները, այսուհանդերձ, պիտի շարունակեն իրենց ծառայութիւնը հայ-թուրքական եւ հայ-իրանական սահմանին վրայ:
Comments are closed.