Յորդորում ենք միանալ «Տաւուշը յանուն Հայաստանի» շարժման երթին․ Արցախի թեմի կոչը

Հայ Առաքելական Սուրբ Եկեղեցու Արցախի թեմը յայտարարութիւն է տարածել․

«Սիրելի արցախցիներ, Հազարամեայ մեր բնօրրանի բռնագրաւման եւ կորուստի վէրքը դեռ չսպիացած՝ շարունակւում է միակողմանի զիջումների վտանգաւոր գործընթացը, որը գոյաբանական լուրջ մարտահրաւէրների առջեւ է կանգնեցրել Հայաստանի պետականութիւնը:

Հայրենիքն է մեր ժողովրդի իւրաքանչիւր զաւակի արժանապատիւ գոյութեան երաշխիքը, ուստի պէտք է իմաստութիւն եւ ուժ գտնենք մեր մէջ՝ ետ շրջելու վայրընթաց գնացող այս անիւը, որպէսզի Մայր Հայրենիքը չունենայ Արցախի դառը փորձառութիւնը:

Սիրելիներ, յորդորում ենք բոլորիդ միանալ «Տաւուշը յանուն Հայաստանի» շարժման կազմակերպած խաղաղութեան եւ համերաշխութեան երթին: Հզօր Հայաստանը ցանկութիւնն է մեր քաջարի նահատակների եւ հիմքը մեր ապագայ բոլոր իղձերի կատարման»։