Մոնթրէալի Հայ Կեդրոնի հաղորդագրութիւն

Սիրելի հայրենակիցներ,

Գորոնաժահրի վարակումը կանխարգիլելու միտումով եւ նահանգիս մէջ ծայր առած պայքարը յաջողութեամբ պսակելու նպատակով, կը յայտարարենք թէ Մոնթրէալի Հայ Կեդրոնը կը շարունակէ փակ մնալ ցնոր տնօրինութիւն: Մեր գաղութի անդամներուն առողջութիւնն ու ապահովութիւնը նպատակ ունենալով, կը յանձնարարենք ձեզի հետեւիլ Քէպէքի նահանգային կառավարութեան թելադրանքներուն եւ յատկապէս կը շեշտենք՝ բոլորիդ մնալ ձեր բնակարաններէն ներս: Կը յայտնենք կրկին որ յետ այսու՝ մեր կեդրոնի յարկին տակ գործող բոլոր միութիւններու ձեռնարկներն ու համախմբումները առկախուած են: Ինչպէս գիտէք, բոլոր եկեղեցական արարողութիւնները տեղի կ՛ունենան ԴՌՆՓԱԿ: Բայց, հաւատացեալներ կրնան հետեւիլ արարողութեանց՝ ՈՒՂԻՂ ՍՓՌՈՒՄՈՎ (Facebook Live Streaming) կամ www.sourphagop.net-ի միջոցով: ։

Ս. Յակոբ Առաջ. Մայր Եկեղեցւոյ հովիւը՝ Արժ. Տէր Գառնիկ Աւ.Քհնյ.Գոյունեան ու եկեղեցւոյ քարտուղարը՝ Բրշ.Կարօ Սրկ. Նոխուտեան հասանելի են 24/7 հեռաձայնի հետեւեալ թիւերով՝

1. Հովիւ՝ (514)–909-5203

2. Քարտուղար՝ (514)-331-5445#202

Մեր Կեդրոնը հաստատած է նաեւ շտապ օգնութեան հեռաձայնային գիծ մը, որպէսզի օգտակար դառնայ միայնակ տարեցներու անհրաժեշտ կարիքներուն: Այս առթիւ կազմուած է կամաւորներու խմբակ մը, որ պիտի օժանդակէ իրեն դիմողներուն: Շտապ օգնութեան հեռաձայնի թիւն է (438)–738-9267, որու միջոցաւ կրնաք կապ հաստատել ամէն օր հետեւեալ ժամերուն՝ առաւօտեան ժամը 11:00-1:00 եւ երեկոյեան ժամը 6:00-8:00:

Եթէ որեւէ առողջապահական անհանգստութիւն զգաք գորոնաժահրի ախտանշաններուն նմանող, կրնաք բժշկական խորհրդատուութիւն ստանալ հեռաձայնելով 1(877)-644-4545 (toll free) եւ 514-644-5454 թիւերուն կամ կարդալ Գանատայի կառավարութեան տրամադրած ինքնաստուգման (self- assessment) հարցարանը, զոր տեղադրուած է Գանատական կառավարութեան կայքէջին վրայ (https://ca.thrive.health/covid19/en):

Յաւելեալ լուսաբանութիւն ձեռք ձգելու համար կարելի է նաեւ այցելել ստորեւ տեղադրուած կայքէջերը:

https://www.quebec.ca/sante/problemes-de-sante/a-z/coronavirus-2019

https://www.quebec.ca/en/health/health-issues/a-z/general-information-about-coronavirus/

https://santemontreal.qc.ca/population/coronavirus-covid-19/

Հաճեցէք վերոյիշեալ բոլոր տեղեկութիւնները փոխանցել ձեր շրջապատի մարդոց, յատկապէս կարիքաւոր տարեցներու: Կը հաւատանք, որ աչալրջօրէն հետեւելով գորոնաժահրի դէմ սկսած պայքարի ցուցմունքներուն, այս անգամ եւս դուրս պիտի գանք այս վտանգաւոր կացութենէն:

Մոնթրէալի Հայ Կեդրոն

23 Մարտ 2020