Մեզ հա­մար պե­տու­թիւնն է հիմ­նա­կա­նը. Գասպար Կարապետեան

12 յունուարին, Հայաստանի Հանրապետութեան Սփիւռքի գործով գլխաւոր յանձնակատար Զարեհ Սինանեան յայտնած էր թէ՝ «Սփիւռքում ուժեր կան, որ մեր երկրի վիճակը ճիշդ չեն ներկայացնում համայնքներին»։ Հարցին՝ ո՞ր ուժերու մասին է խօսքը, Սինանեան նշած էր. «Այդ ուժերից է աւանդական կուսակցութիւններից Հ.Յ.Դ.-ն։ Նրանք հակապետական քայլեր են իրականացնում նաեւ Սփիւռքում»։

Եւ­րո­պա­յի ­Հայ դա­տի գրա­սե­նեա­կի ղե­կա­վար ­Գաս­պար ­Կարա­պե­տեան ար­ձա­գան­գեց Ս­փիւռ­քի գոր­ծե­րու գլխա­ւոր յանձնա­կա­տար ­Զա­րեհ ­Սի­նա­նեա­նի՝ Հ.Յ.Դ.-ին հաս­ցէագ­րո­ւած յայտա­րա­րու­թիւն­նե­րուն՝ ա­նոնք որակելով ան­հիմն եւ ի­րա­կա­նութեան չհա­մա­պա­տաս­խա­նող։

«­Պե­տու­թիւ­նը գա­ղա­փար է եւ կա­ռոյց։ ­Պե­տու­թիւ­նը չի նշանա­կեր նա­խա­րար, վար­չա­պետ կամ պատգամաւոր։ ­Պե­տութիւ­նը կը քան­դո­ւի այն ժա­մա­նակ, երբ գա­ղա­փա­րը կը խաթա­րո­ւի, եւ այդ քաղաքականու­թիւնն է, որ յան­գե­ցուց Ար­ցախի կորուստին»,- նշեց ան։

Եւ­րո­պա­յի ­Հայ դա­տի գրա­սե­նեա­կի ղե­կա­վա­րի գնա­հատմամբ՝ ­Սի­նա­նեա­նի յայ­տա­րա­րու­թիւն­նե­րը քաղաքական հաշուար­կի ար­դիւնք են, եւ ան պէտք է նախ անդ­րա­դառ­նայ իր սեփա­կան ան­ցեա­լին։

«­Սի­նա­նեա­նը շատ լաւ գի­տէ ­Դաշ­նակ­ցու­թեան դե­րը։ Ան տա­րի­ներ ա­ռաջ գոր­ծակ­ցած է Հ.Յ.Դ.-ի հետ, ե­ղած է ­Հայ դա­տի յանձ­նա­խում­բի ան­դամ, ընտ­րո­ւած է ­Լոս Անճե­լը­սի քա­ղա­քա­յին խոր­հուր­դի ան­դամ՝ այդ շրջա­նակ­նե­րու ա­ջակ­ցու­թեամբ»,- ընդգ­ծեց ­Կա­րա­պե­տեան։ ­Խօ­սե­լով պե­տու­թեան հետ գործակցութեան մա­սին, դաշ­նակցա­կան գոր­ծի­չը նշեց, որ ա­նոնք բա­ցար­ձա­կա­պէս չեն համապատասխաներ իրականութեան։

«­Մենք չենք հա­մա­գոր­ծակ­ցիր սուտ, կեղծ ներ­կա­յա­ցումնե­րու եւ ձեռնավարութիւններու հա­մար։ ­Բայց երբ խօս­քը կը վե­րա­բե­րի պե­տա­կան շա­հին՝ ­Հա­յաս­տա­նի ա­պա­գա­յին, ­Հայ դատի գրասենեակները մշտա­պէս գոր­ծակ­ցած են եւ կը շարու­նա­կեն գոր­ծակ­ցիլ»,- ը­սաւ ան։ ­

Գաս­պար ­Կա­րա­պե­տեա­նի խօս­քով՝ եւ­րո­պա­կան կա­ռոյց­նե­րը լաւ տե­ղե­կա­ցած են ­Հայ դա­տի գրասենեակներու գոր­ծու­նէութեան մա­սին, իսկ գոր­ծակ­ցու­թեան մա­կար­դա­կը յայտ­նի է թէ՛ ՀՀ ար­տա­քին գոր­ծե­րու նախարարութեան, թէ՛ դես­պան­ներուն։

«Ե­թէ ­Սի­նա­նեա­նը հարց ու­նի՝ թող դի­մէ ար­տա­քին գոր­ծերու նա­խա­րա­րին կամ դես­պան­նե­րուն եւ պար­զէ՝ որ­քա­նով մենք կը գոր­ծակ­ցինք ­Հա­յաս­տա­նի պե­տա­կան շա­հե­րու ծիրէն ներս»,- նշեց ան։

Եւ­րո­պա­յի ­Հայ դա­տի գրա­սե­նեա­կի նա­խա­գա­հը նաեւ անդրա­դար­ձած է ե­կե­ղեց­ւոյ նկատ­մամբ հնչող ապազգային յայտարարութիւններուն եւ արարքներուն՝ ա­նոնք հա­մա­րե­լով վտան­գա­ւոր եւ հակաժողովրդավարական։ «Երբ յար­ձա­կում­ներ կ­՚ի­րա­կա­նա­ցո­ւին ե­կե­ղեց­ւոյ եւ հո­գե­ւորա­կան­նե­րուն դէմ, ա­տի­կա արդէն ար­ժէ­քա­յին ճգնաժամ է։ ­Մեր ազ­գա­յին գա­ղա­փա­րա­խօ­սու­թիւ­նը չի խառ­նո­ւիր օ­րո­ւայ քաղաքական շա­հե­րուն։ ­Մեզ հա­մար պե­տու­թիւնն է հիմ­նակա­նը»,- եզ­րա­փա­կեց ­Կա­րա­պե­տեան։