ՀՅԴ Շուշիի Առանձնակի գումարտակի ազատամարտիկ Հարմիկ Յովսէփեան պարգեւատրուեցաւ Արիութեան մետալով

Նախագահ Սերժ Սարգսեանի հրամանագրով, Հայոց բանակի կազմաւորման 25-րդ տարեդարձին առթիւ, Հայրենիքի պաշտպանութեան գործին մէջ ցուցաբերած արիութեան և անձնուիրութեան համար ազատամարտիկ, Դաշնակցական Հարմիկ Յովսէփեանը պարգևատրուած է Արիութեան մետալով: Այս մասին կը տեղականէ նախագահի պաշտօնական կայքէջը:

Հարմիկ Յովսէփեան ծնած է Ռաշտ, Իրան։ 1983 թուականին կ՚անդամակցի Հայ Յեղափոխական Դաշնակցութիւն (ՀՅԴ) կուսակցութեան։ 1986-1989 թուականներուն ծառայած է Իրանի բանակին մէջ։ 1990 թուականին տեղափոխուած է Հայաստան, ապա՝ Արցախի Շահումեանի շրջան։ Իր առաքելութիւնը եղած է մարտական ջոկատներու մարզումը։ ՀՅԴ Շուշիի Առանձնակի գումարտակին հետ մասնակցած է Մարտակերտի, Ղուբաթլիի, Զանգելանի, Ֆիզուլիի, Քարվաճառի շրջաններու ինքնապաշտպանական և ազատագրական կռիւներուն։ Հարմիկ Յովսէփեան պարգեւատրուած է նաեւ Արցախի Հանրապետութեան «Մարտական խաչ» Առաջին աստիճանի շքանշանով։