ՀՅԴ Արցախի Կեդրոնական կոմիտէն 13 Յունիսին, յայտարարութեան մը միջոցաւ անդրադարձաւ Հայաստանի վարչապետ Նիկոլ Փաշինեանի կողմէ Արցախը եւ արցախահայութիւնը բեռ նկատելու անընդունելի կեցուածքին:
Ստորեւ՝ նշեալ յայտարարութիւնը.
«Հայաստանի դրածոյ իշխանութիւնների, եւ յատկապէս, իշխանութեան պարագլխի դատարկախօսութիւնը անցել է բոլոր սահմանները: ՀՀ վարչապետի աթոռը զբաղեցրած անձնաւորութիւնը՝ բոլոր արժէքներն ու սրբութիւնները ոտնատակ տալով, ստերով ու խաբէութեամբ, բանսարկութեամբ ու յոխորտանքով փորձում է իրականութեան վրայ վարագոյր քաշել եւ ցեխարձակումներով վարկաբեկել ազգային արժէքները:
«Յուլիսի 12ին քաղաքացիների հանդէպ բիրտ ուժի կիրառումն այլ բան չէր, քան ստի ու իրենց իշխանութեան երկարաձգման հաստատման անյոյս փորձ: Ճշմարտութեան համար պայքարը ամրապնդուեց, ու հաստատեց իր վճռականութիւնը, երբ բռնապետական ռեժիմի (վարչակարգի) կողմից ժողովրդի ընդվզումը ուժով ճնշելու փորձին ի հակառակ՝ կրկնապատկուեցին շարքերը:
«Ազգուրաց ռեժիմն այս անգամ եւս խեղաթիւրեց իրականութիւնը՝ Արցախն ու արցախցիներին ներկայացնելով որպէս բեռ, ուրանալով տարիների ջանքերով կերտուած հայ ժողովրդի միասնութեան առանցքը եւ ՀՀ անվտանգութեան վահանը հանդիսացող Արցախի պետականութիւնն ու յաղթանակներ արձանագրած Արցախի ռազմաքաղաքական ղեկավարութեանը:
«Արցախի Հանրապետութեան հայաթափման ողբերգական էջի իրական պատկերն ու ճշմարտութիւնը Հայաստանի իշխանութեան պարագլխի եւ իր մանկլաւիկների կողմից ներկայացւում է ամբողջութեամբ խեղաթիւրուած:
«Ճշմարտութիւնը չի կարող երկար ժամանակ շղարշապատուել, եւ հատուածական մատուցմամբ խեղաթիւրուել, իսկ ճշմարտութիւնը արիւնով խեղդելու փորձերի հեղինակներին հարկ է յիշեցնել, որ արիւն հեղելը, պատմութեան ընթացքում, երբեք անհետեւանք չի մնացել»:
Comments are closed.